Како да се ослободите од киселините во бременоста
Можеби веќе знаете дека хормонот прогестерон создава безбедна, здрава средина за оплодената јајце клетка, во која потоа расте бебето. Но, со прекрасното доаѓа и не толку саканиот ефект на прогестеронот во бременоста, односно киселините.
Само да го разбиеме митот: киселините за време на бременоста немаат апсолутно никаква врска со тоа колку коса ќе има вашето бебе. Тоа е резултат на фактот дека прогестеронот, истовремено релаксирајќи ги мускулите на матката исто така ги релаксира и оние на желудникот. Ова и овозможува на желудечната киселина да се враќа назад во хранопроводот.
Да не се лажеме, во бременоста тешко дека можете целосно да ги избегнете киселините. Но, можете да ги следите овие стручни совети за да го минимизирате непријатното чувство на горење и да се вратите на уживање во храната (и спиењето) колку што е можно.
Избегнувајте ја храната која е главен причинител за киселини.
Сакате да јадете пржена или мрсна храна за време на бременоста? Треба да се обидете да и се спротивставите на ваквата желба. Храната со висока содржина на масти, потешко се вари и ова предизвикува одложување на празнењето на стомакот, што создава повеќе киселини.
Друга забранета храна за оние кои страдаат од киселини е зачинета храна, бидејќи зачините ја иритираат поставата на хранопроводникот. Киселата храна – вклучувајќи зрна, шеќер, млечни производи, преработена храна, овошје и овошни сокови – исто така може да предизвика киселини бидејќи ги зголемува нивоата на киселост во желудникот. Безбедните алкални алтернативи вклучуваат соја, незасладен јогурт и млеко, свеж зеленчук, компир, грав, маслиново масло, авокадо, ореви и семиња.
Јадете бавно и во мали порции.
Јадете повеќе мали оброци на ден, наместо три големи и не брзајте кога јадете. Обидете се да не ја миете храната со премногу течност, бидејќи може да го зголеми ризикот од рефлукс на киселина. Можеби е незгодно да се каже, “Не легнувајте” на бремени жени, но … не легнувајте веднаш по јадењето. Кога лежите, држете ја главата повисоко од нозете. Ова помага во спречување на желудочните киселини да се вратат назад во хранопроводот.
Обидете се да се справите со киселините со природни лекови.
Консумирањето на една лажица јаболков оцет со секој оброк, може да ви помогне да се изборите со киселините. Сода бикарбона која се користи за готвење, исто така, може да ги ублажи симптомите на печење и киселини, бидејќи алкалната pH вредност ги неутрализира желудочните киселини. Друг едноставен, но често многу ефикасен домашен лек е гумата за џвакање која ги стимулира плунковните жлезди и помага да се расчисти изградбата на киселина во стомакот.
Сепак, овие стратегии не им помагаат секогаш на сите, па ако киселините ви претставуваат голем проблем и ве спречуваат во нормално функционирање можеби ќе ви требаат лекови и најдобро ќе биде да се консултирате со вашиот лекар.
Крај
