Дали сте среќна сопруга?

Добро е познато дека “Среќна жена значи среќен живот”! Успешен и среќен брак е возможен само кога сопружниците се трудат максимално, а тоа може да се забележи по начинот на кој тие комуницираат еден со друг, како се гледаат, се смеат и по начинот на кој се поддржуваат меѓусебно. Меѓутоа секој пар е различен и различно функционира: некои се помалку посреќни, некои се умерени, а некои се многу посреќни од другите.  Очигледно е дека за среќен брачен живот и сопругата и сопругот треба да вложат големи напори, но факт е дека мажите се прилично помалку емотивни и дека се повеќе разумни и логични во споредба со жените.

Значи, постојат одредени работи кои само среќните и паметни жени можат да ги направат. Еве некои заеднички навики на среќните жени кои и вие можете да ги применувате:

Смејте се почесто

Вашата неверојатна насмевка не само што може да го промени вашето однесување, туку и однесувањето на сите околу вас. Насмевката е најдобриот начин да се решат многу проблеми, па затоа насмевнувајте му се почесто на вашиот сопруг и разубавете му го денот.

Не карајте се со сопругот за нешта кои нема да се променат

Можеби вашиот сопруг има навики кои вас ужасно ве нервираат, но вие го знаевте сето тоа уште пред да стапите во брак. Затоа немојте да му се лутите и да започнувате кавга секогаш кога ќе ја остави кошулата на креветот, или валканите чорапи на подот. Едноставно прифатете дека тоа се негови навики кои не можете да ги промените.

Разговарајте со сопругот

Не престанувајте да комуницирате со сопругот! Продолжете да разговарате и да ги споделувате вашите чувства, надежи и соништа со него и секако сослушајте ги и неговите.

Не жалете се

Избегнувајте да му се жалите на вашиот сопруг за глупави нешта. Една од навиките на среќните сопруги е да го контролираат јазикот, па секогаш размислете пред да кажете нешто. Всушност, ако почекате неколку часа за да му се пожалите од некој или за нешто –  ќе заборавите целосно за што всушност треба да се пожалите.

Искажете ја љубовта со допир

Мажите тоа најмногу го сакаат. Затоа покажете му дека сте тука за него и дека навистина го сакате со тоа што ќе му ја држите раката и ќе го бакнете без причина.

Ценете го и зборувајте позитивно

Дајте му комплимент или кажете нешто позитивно за вашиот заеднички живот. Можете и да го пофалите за нешто што постигнал пред други луѓе. Со тоа ќе му докажете дека го почитувате, а тој ќе се почувствува сакан.

Бидете самоуверени

Среќните жени се сигурни во себе и знаат дека можат да се грижат за себе, а секој маж сака таква жена покрај себе.

Крај