Домашни лекови за забоболка

Секој барем еднаш во животот страдал од забоболка. Кога забоболката ќе се јави во непријатен момент или доцна навечер и не можете веднаш да посетите стоматолог, ние ви даваме неколку совети како да се справите со неа во домашни услови.

Плакнење со солена вода

Солената вода е природно средство за дезинфекција, а исто така лесен и ефикасен лек за лекување на забоболка. Се што треба да направите е да  измешате 1/2 лажичка сол во чаша топла вода и да го користите за плакнење на устата. Исто така го спречува отокот и ја чисти областа околу забоболката.

Ладна облога

Ладната облога е ефикасна за секаква болка што ја доживувате. Земете мраз и завиткајте го во тенка ткаенина, ставете го ова на болното место и држете 15 минути. Ова исто така го намалува воспалението и отокот.

Лук

Лукот е познат по неговите лековити својства, ги убива штетните бактерии и ја намалува болката. Најдобар начин да го користите е да направите паста и да ја поставите на погодената област или да го џвакате бавно. Можете да го повторите овој природен третман неколку дена додека болката не исчезне.

Кромид

Кромидот содржи фитохемикалии кои се насочуваат кон бактериите одговорни за инфекцијата и кои ќе ви ја намалат болката.

Најдобриот начин за да го користите е да исечете парче кромид и да го џвакате на страната што ве боли. Ова овозможува сокот од кромидот да навлезе во забот. Ако болката е премногу интензивна за џвакање, можете да го користите прстот за да го држите парчето кромид директно на болниот заб.

Дури и ако вашите заби изгледаат силни и чисти, сепак постои шанса да доживеете ваква непријатна болка. Затоа, запомнете ги овие лекови.

Крај