Факти за пастеризираното млеко кои никој не ви ги кажува

Здравиот пијалок кој го има во секоја кујна и кој е богат со калциум и протеини е млекото. Независно дали станува збор за возрасен човек, бебе или дете, млекото го конзумираат сите луѓе на било која возраст, бидејќи нуди бројни здравствени придобивки. Сепак, сите ние знаеме дека постојат два типа на млеко кои ние редовно ги конзумираме, свежо млеко (кравјо, овчо или козјо млеко) кое го вариме пред да го пиеме и пастеризирано млеко во тетрапак кое индустриски се обработува на одредена температура во фиксен временски интервал за да се уништат штетните бактерии, а потоа се пакува на ниска температура за понатамошно складирање и продажба. Во продолжение прочитајте некои интересни факти кои треба да ги знаете за пастеризираното млеко достапно во сите помали и поголеми маркети насекаде во светот.

• Процесот на пастеризирање на млекото е воведен во 1908 година со цел да се намали расипувањето на млекото и да се спречи развојот на штетни бактерии.
• Пастеризирањето не само што ги уништува штетните бактерии како што се Salmonella и E. Coli, туку ги убива и природните ензими уништувајќи го хемискиот состав на калциумот во свежото млеко, што значи дека млекото кое го конзумирате не содржи здрави ензими и калциум.
• Пастеризацијата ги уништува скоро сите хранливи вредности на свежото млеко. Ако земете пастеризирано млеко и го зовриете пред да се напиете, ќе добиете само пијалок со вкус на варено млеко.
• Процесот на пастеризирање се состои во комбинација од време и температура за да се направи млекото побезбедно за конзумирање, што значи колку температурата е повисока, толку е пократко времето во кое млекото треба да се обработува на истата таа температура.
• Пастеризираното млеко кое најчесто се конзумира се обработува на температура од 72°C во времетраење од 15-20 секунди и потоа брзо се лади на многу ниска температура.
• При процесот на пастеризација UHT (третирање со ултра топлина) млекото се загрева под притисок на повисока температура од 137°C во време од 2 секунди, што ја зголемува трајноста на млекото до 30 дена пред да се отвори пакувањето.
• Комерцијалното стерилизирано млеко се нарекува асептичко млеко и се обработува на температура од 205°C во многу краток временски интервал. Предноста на комерцијалното стерилизирано млеко е тоа што може да стои на полиците во маркетите со месеци без да се става во фрижидер до моментот на отворање на пакувањето.
• Процесот на хомогенизација е воведен во 1919 година за одделување на маснотиите и течноста директно од кравјото млеко за да се добие мазна конзистентност на млекото. Тоа е процес на отстранување на вишокот маснотии од млекото, при што остатокот од маснотиите се распределува во помали молекули без да се нарушува хранливата вредност на млекото – што е уште еден непознат факт за пакуваното пастеризирано млеко.
• Пастеризираното млеко кое се пакува со 5 до 6 слоја картонски, алуминиумски и политенонски фолии за да зачува млекото во временски период од скоро 9 месеци на собна температура без да се засири, содржи хемикалии како што е уреата – азотна супстанца која е составен дел од урината кај цицачите.

Крај