Направете панакота како професионалец!

Состојки:

500 мл. слатка павлака

500 мл. млеко

30 гр. шеќер во прав

1 стапче ванила

2 пакетчиња желатин

50 мл. вода

Подготовка:

1. Во сад се ставаат 50 мл. ладна вода и 2 пакетчиња желатин и се оставаат 10-тина минути.

2. Во тенџере на тивок оган се става слатката павлака и кога добро ќе се загрее се додава млекото, шеќерот во прав и ванилата и се меша постојано додека смесата не се доведе до точка пред вриење.

3. Се трга од оган и се додава желатинот со постојано мешање.

4. Смесата се распоредува во модли и се остава 1 час на собна температура а потоа се става во фрижидер. Најдобро е да отстои во фрижидер 6-8 часа.

5. Пред сервирање модлите се ставаат неколку секунди во топла вода за полесно сервирање на панакотата.

* Панакотата може да се сервира со свежо овошје или овошно пире по желба.

Крај