Дали е добро да бидете попустливи родители?
Не постои еден успешен пристап кон родителството. Всушност, можеби ќе сакате да најдете мешавина на стилови кои најдобро ќе ви одговараат вас и на вашите деца. Денес ќе го разгледаме стилот на попустливо родителство.
Иако попустливото родителство понекогаш добива лоша репутација, постојат делови од овој стил кои може да бидат доста ефективни. По дефиниција, попустливи родители се оние кои повеќе дозволуваат отколку што бараат. Тие се нетрадиционални и благи, не бараат зрело однесување, овозможуваат значителна саморегулација и ја избегнуваат конфронтацијата. Во овој вид на родителство, не постојат правила за децата! Всушност, родителите имаат дури тенденција да дејствуваат како поголем брат/сестра, наместо традиционалната улога на татко/мајка. Овие деца ќе бидат независни кога ќе пораснат, но исто така има и лошите страни од овој начин на воспитување.
Карактеристики:
Исто како и авторитарните родители, попустливите се грижат многу за своите деца. Сепак, разликата станува очигледна кога станува збор за ограничувањата и правилата. Авторитарните родители се строги и поставуваат граници, додека попустливите родители не ги спроведуваат правилата (или понекогаш дури и не поставуваат правила).
Позитивни страни:
- Комуникацијата може да биде повеќе од двонасочна улица, бидејќи родителите и децата имаат подеднакво право на глас и децата слободно го изразуваат нивното размислување.
- Бидејќи децата знаат дека нивните родители ќе ги сакаат безусловно – без разлика дали ќе згрешат или не – нивната самодоверба може да биде повисока од онаа на другите деца.
- Децата често се охрабруваат да бидат креативни, што може да доведе до развој на повеќе хобија.
- Конфликтот е минимизиран бидејќи во фокусот на родителите се децата и нивните потреби и барања.
Негативни страни:
- Некои студии посочуваат дека ваквиот стил на родителство може да доведе до ризично однесување кај постарите деца, особено при употреба на алкохол. Попустливите родители и пиењето пиво се фактори на ризик за злоупотреба на алкохол меѓу доцен адолесцент и млад возрасен човек.
- Ваквото воспитување, исто така, може да предизвика деца да се затворат во себе, наместо слободно да ги изразат своите чувства.
- Децата не можат да го научат вистинско значење на границите, бидејќи нивните родители реагираат на постапките на децата спонтано, наместо да ги одредат санкциите однапред.
- Децата не секогаш го разбираат концептот на почит, бидејќи тие не се однесуваат така кон своите родители. Ова може особено да биде тешко кога ќе одат на училиште, на работа итн.
- Тие не се навикнати да слушнат “не”, па понекогаш можат да го занемарат авторитетот од другите (наставници, претпоставени) надвор од домот.
Постојат добри и лоши страни на секој стил на родителство и она што функционира за едно семејство не значи дека ќе одговара и за друго. Исто така, разумно е да се каже дека некои родители може да бидат авторитативни во некои случаи и попустливи во други. Значи, кога станува збор за воспитување на децата, можеби треба одвреме-навреме да се биде помалку строг (особено кога се во прашање помали нешта како што е гледањето телевизија или јадењето слатки).
Крај
