Еве како да спречите појава на стрии во бременоста

by zona.mk · Published 19/06/2018 · Updated 19/06/2018

Сите ние се плашиме од стриите, а сепак ни е кажано дека не можеме ништо да сториме за тоа. Стриите се генетски – или ги добивате или не. Иако не можеме да кажеме дека целосно не се согласуваме со оваа изјава, сепак постојат работи што можете да ги направите за да ја спречите појавата на стрии. Можеби некои жени имаат многу поеластична кожа од вашата, но и ако сте генетски предодредени за стрии, сепак постојат опции за вас.

Ако имате доволно среќа да имате еластична кожа, нема да добиете стрии. Но, и ако вашиот случај е токму спротивниот сепак можете да ја промените еластичноста на вашата кожа и со тоа да ја спречите појавата на стрии.

1. Желатин

Желатинот е одличен начин да се спречат стриите. Формирањето на колаген е од суштинско значење за подобрување на еластичноста на кожата, а со цел да го зголемите формирањето на колаген можете да јадете желатин за да добиете повеќе колаген преку вашата исхрана.

Еден начин е да консумирате супа од коски. Можете да ја пиете секое утро, да ја додадете во тестенини, супи, сосови и различни јадења или во неа да го сварите оризот.

Желатинот не само што помага да се подобри еластичноста на кожата, туку има и многу други придобивки вклучувајќи: подобрено заздравување на раните, подобрување на спиењето, подобрување на инсулинската чувствителност, борба против слободните радикали, намалување на воспалението на цревата како и намалување на болката во зглобовите.

3. Кокосово масло

Способноста на кокосовото масло да ја негува кожата е позната со векови. Кокосовото масло е полно со заситени масни киселини кои не оксидираат лесно и поради тоа не предизвикуваат ослободување на штетни слободни радикали. Полинезаситените масни киселини, од друга страна, лесно оксидираат и затоа имаат поголема веројатност да предизвикаат оштетување на слободните радикали на кожата.

Кокосовото масло лесно може да се нанесе, а за најдобри резултати добро е да се нанесува на кожата веднаш после туширање. Исто така, можете да направите мешавина од кокосово масло и пчелин восок, кој ќе помогне кокосовото масло да се задржи додека не се апсорбира во кожата.

4. Витамин Ц

Телото го користи витаминот Ц за да формира колаген, а исто така е многу ефикасен во намалување на оштетувањето на слободните радикали. Слободните радикали трошат колаген и еластин. Најдобро е да го добиете Витаминот Ц од природен извор на храна наместо како додаток.

5. Цинк

Дефицитот на цинк е една од причините поради која луѓето имаат поголема веројатност да добијат стрии. Цинкот е природен минерал и е еден од најзастапените во телото. Цинкот исто така се користи во производството на колаген и има антиоксидантни својства.

Цинкот може да се најде во изобилство во пилешкото месо, јагнешкото, говедското, јајцата, оревите, мешунките и целите зрна.

6. Шеа путер или путер од какао

Овие два путери се исклучителни за да ја одржуваат кожата влажна и хидрирана. Го стимулираат процесот на обновување на кожата и спречуваат појава на стрии или помагаат во намалување на стриите.

Крај