Што треба да конзумирате во текот на бременоста

Разграничувањето што треба, а што не треба да јадете за време на бременост може да биде навистина збунувачко и комплицирано. За да ви олеснеме, ви подготвивме еден подолг список на јадења кој во текот на сите 9-10 месеци редовно ќе си го понесувате со вас кога пазарите.

Сладок компир

Калиумот – кој го има во изобилство кај сладкиот компир – е неверојатна хранлива состојка, без разлика дали сте бремена или не. Особено е важно да го внесувате потребното количество за време на бременост бидејќи овозможува здрав крвен притисок.

Банани

Исто како и слаткиот компир. Внесувајте колку што можете повеќе калиум во вашиот дневен режим на исхрана.

Јајца

Тие се неверојатен извор на витамините Б12 и Д, кои го потикнуваат развојот на нервниот систем на бебето и придонесуваат за здрава родилна тежина. Жолчката од јајцето содржи холин, минерал кој е многу важен за здравјето на мозокот на вашето бебе.

Семки од тиква

Тие се еден од најдобрите извори на цинк, кој помага да се намали ризикот од компликации во бременоста.

Семки од чиа

Додајте ги во вашето омилено смути или измешајте ги во вашиот омилен пудинг. Семките од чиа се одличен додаток на протеини, здрави масти и влакна во вашата редовна исхрана за време на бременоста. (Особено во период кога опстипацијата може да ви претставува проблем)

Зелјест зеленчук

Како на пример спанаќ, блитва, штавеј и сл. Сите овие се зеленчуци се богати со едни од најважните хранливи состојки за време на бременоста – влакна, фолна киселина, витамин Ц и витамин К – да не ги спомнуваме и железото, калциумот и магнезиумот. Сакате уште неколку мега- предности? Магнезиумот  помага во регулирање на нивото на шеќер во крвта и крвниот притисок; калциумот помага во изградбата на коските на бебето; фолната киселина и витаминот Ц го поттикнуваат развојот на нервните цевки и мозокот на фетусот. Навистина одлично.

Јаткасто овошје

Бадемите и оревите се богати со здрави масти, влакна, протеини и магнезиум и влијаат врз развојот на нервниот систем на бебето.

Грав

Без разлика во кое тромесечије сте, вашето тело има потреба од многу протеини за време на бременост. Всушност, потребни се дополнителни 25 грама протеини дневно во вашата редовна исхрана, особено ако сте вегетаријанец. Гравот е природен извор богат со фолна киселина, влакна, калциум и цинк, што влијае на намалување на ризикот од компликации во бременоста и овозможува здрава родилна тежина кај бебињата.

Леќа

Не обожавате грав? Леќата е уште еден извор на протеини. Посипете малку леќа во салата, користете ја како додаток…имате неограничени можности за комбинација.

Бело месо

Ако не сте вегетаријанец, пилешките гради без кожа се најдобриот пријател на вашата бременост. Не само што содржи протеини, белото месо е и одличен извор на железо, што придонесува за здрава родилна тежина и развој на бебето. Ако пак обожавате црвено месо, потрудете се да го подготвите на здрав начин.

Лосос

Тој е одличен на омега 3 масни киселини кои се корисни за мозокот и очите на бебето.

Шумско овошје

Боровинки, јаготки и капинките се полни со калиум, фолна киселина, влакна и витамин Ц, и се важни за развојот на коските, тетивите на мускулите, кожата и ‘рскавицата.

Моркови

Богати со витамин А, морковите мора задложително да ги конзумирате, бидејќи витаминот А го поттикнува развојот на кожата, очите, забите и коските на бебето. Морковите се исто така богати со влакна.

Манго

Јадете го свежо или во салати – како било, само јадете го бидејќи е богато со калиум, витамин А и витамин Ц. Уште подобро, познато е дека мангото помага при утринските мачнини – дополнителен бонус за вас

Зелена соја

Оваа лесна ужинка е одличен извор на протеини, фолна киселина, витамин А и Б витамини кои го поддржуваат правилниот развој на фетусот.

Пуканки

Уште една лесна ужина – пуканките се богати со влакна, витамин Е и селен, хранливи состојки кои го штитат развојот и јакнењето на клеточните мембрани на бебето.

Брокули

Тие се богати со калциум и фолна киселина. Исто така содржат и витамин Ц, кој во комбинација со храна богата со железо му помага на вашиот организам подобро да го апсорбира железото во крвта.

Авокадо

Секако веќе знаете дека се извонреден извор на здрави масти. Но исто така е богато со уште 20 важни хранливи состојки како калиум, витамин Е, витамин К, Б витамини и фолна киселина.

Крај