Еве што не треба да ставите во вашето CV

Направете го вашето CV привлечно и избегнувајте да направите грешки што би можеле да резултираат со тоа да не бидете повикани на интервју.

Не давајте непотребно долги детали

Спомнете ги само тековните достигнувања и оние кои се релевантни. Не пишувајте премногу за вашето образование, ако имате поголемо работно искуство – подобро е повеќе да се задржите на овој дел.

Не лажете

Многу лесно може да се провери веродостојноста на дипломите и сертификатите како и работното искуство кое го имате наведено во CV-то.

Несоодветна фотографија

Ако веќе ставате ваша фотографија во CV-то, тоа треба да биде фотографија на која изгледате професионално. Фотографии на кои сте разголени или кои се во опуштена атмосфера можат да дадат многу погрешна слика за вас и работодавачот да не ве сфати сериозно.

Хобија

Освен ако хобијата не се поврзани со работата за која аплицирате, на работодавачот не му е важно како вие го поминувате слободното време.

Не пишувајте листа на препораки

Во овој дел напишете само дека се достапни на барање. Постојано ажурирајте ги контактите и погрижете се тие да бидат тековни.

Крај