Што треба да јадете кога доите?
Кога сте нова мајка, тешката работа не завршува во моментот кога ќе се породите. Тоа е само почетокот! Може да биде тешко преку доењето да му ги дадете на вашето бебе сите хранливи материи кои му се потребни, ако се обидувате да се вратите во топ форма за да можете да ги облечете старите фармерки. Кога го храните бебето со мајчино млеко, тоа јаде она што вие го јадете – што значи дека треба да бидете сигурни дека ги консумирате вистинските работи за да го овозможите растот и развојот на бебето.
Не грижете се ако вашата исхрана не е совршена. Целта е мајката да се стави себеси и своето тело во најдобра состојба за успешно доење. Ако мајката не се храни добро и јаде повеќе преработена храна, всушност поголема е веројатноста да престане со доењето.
Мајките кои дојат треба да се придржуваат до општата здрава исхрана за да ги задоволат потребите за сите хранливи материи и да имаат доволно енергија.
– Консумирајте разновидна и урамнотежена исхрана со соодветни протеини, овошје, зеленчук, цели зрна и млечни производи.
– Избегнувајте преработена храна, конзервирана храна, шеќер и вештачки засладувачи.
– Бидете хидрирани во текот на целиот ден – цел нека ви бидат осум чаши вода дневно.
– Јадете редовно и имајте распоред за тоа кога јадете за да ги задржите нивоата на енергија (обидете се да јадете на секои три до четири часа и консумирајте здрави ужини меѓу оброците).
– Прескокнувањето на оброци за да ја намалите тежината, само ќе направи да се прејадете на следниот оброк и го успорува вашиот метаболизам.
– Обидете се да практикувате некоја физичка активност неколку дена во неделата (и пешачењето важи!).
– Со доењето можете да согорите и до 500 калории дневно, па ако сте многу физички активни, треба да внимавате и да ги внесете потребните хранливи калории.
– Избегнувајте алкохол и кофеин во големи количини.
Што да јадете?
Треба да се стремите кон храна со висока содржина на витамини, минерали, здрави масти, сложени јаглехидрати и посни протеини. Еве која храна треба да ја јадете:
1. Протеини: месо, риба, пилешко, јајца, урда, јогурт, млеко, грав, ореви и семиња
Протеинот е важен за адекватен раст и развој, обновување на ткивата, зајакнување на имунитетот и одржување на мускулите. Протеините од телото на мјката се користат за производство на мајчино млеко и помагаат за раст и исхрана на бебето.
2. Калциум: млеко, јогурт, сирење, кељ, зелкаст зеленчук, соја, храна збогатена со калциум.
Калциумот е важен за формирање и заштита на коските и забите.
3. Сложени јаглехидрати: житен леб со цели зрна, кафеав ориз, овес, киноа, грав, леќа, сладок компир.
Овие служат како” гориво” и за мајката и за бебето, а исто така се богати со растителни влакна кои помагаат во одржувањето на здравјето на дигестивниот систем на мајката и ги контролираат нивоата на гликоза.
4. Железо: црвено месо, зелен лиснат зеленчук, морска храна, грав, житарици.
Тие се важни за производство на црвени крвни клетки и му помогнат на кислородот да се дистрибуира до ткивата на телото и за мајката и за бебето.
5. Омега-3 масни киселини: риба (лосос, туна, сардини), ленено семе, чиа семиња.
Овие масни киселини имаат антивоспалителна функција, го помагаат когнитивниот развој и развојот на мозокот.
Дефинитивно им се препорачува на сите мајки кои дојат да се хранат здраво, но нема универзално “опасна” или “штетна” храна која не смее да се консумира за време на доењето. Но, треба да бидете свесни дека одредена храна може да предизвика негативни реакции кај бебето после доењето. На пример, во некои ситуации, познато е дека млекото предизвикува гасови или вознемиреност кај бебињата. Исто така, внесот на храна на мајката може да го промени вкусот на млекото (особено лукот или зачинетата храна). Тоа нема да му наштети на вашето бебе – едноставно доењето може да не биде ефикасно и бебето да не добие околку колку што му треба, бидејќи вкусот нема да им биде пријатен.
Крај
