Подгответе им забавна ужинка на вашите деца

by zona.mk · Published 19/04/2018 · Updated 19/04/2018

Погледнете неколку интересни и кративни идеи за лесни и вкусни ужинки за вашите најмили.

Изгмечете половина авокадо и размачкајте го на парче леб. Поставете парчиња краставица и црни маслинки за очи, од морков направете ги устата и стапалата и употребете зелена пиперка за нозете.

Еве што ви е потребно за овие разиграни ракчиња: неколку парчиња куглоф кои соодветно ќе ги оформите со нож, јагоди, чоколаден прелив или растопена чоколада и боровинки (или аронија).

Употребете калап за да го исечете лебот во форма на јајце. Секое парче премачкајте го со домашен намаз од зеленчук или хумус и декорирајте ги со пиперки и маслинки. На чинијата за сервирање поставете спанаќ.

Разнобојно виножито: Во мала чинија ставете овошен јогурт со вкус по желба. Врз него во полукруг поставете го вошјете и на крај додадете малку кокос на краевите за да ги направите облаците. Послужете и уживајте!

За подготовка на оваа разиграна шума ќе ви бидат потребни: крекери, пиперки од кои ќе исечете кругови и краставица.

За да ги направите рибите засечете ги сувите кајсии и тука вметнете крекер. На крај направете ја медузата. Можете да користите и друго сушено овошје и оваа ужина да ја направите поразнобојна.

Овошен појадок од кој сигурно ќе побараат уште: Во средината на чинијата поставете ја палачинката (рецепт за вкусни палачинки од 3 состојки имате тука) и декорирајте ја со парчиња мандарина или портокал, јагода и боровинки (или аронија). На крај завршете ја декорацијата со чоколаден прелив или растопена чоколада.