Зошто сте ненаспани и после непрекинат ноќен сон?
Да се разбудите освежени и наспани е одличен начин да се започне денот. Сепак, има денови кога ќе се разбудите уморни и не можете веднаш да започнете со дневните активности, иако сте имале непрекинат ноќен сон. Еве неколку работи што може да направат да се разбудите уморни и без енергија.
Будење во погрешна фаза: Вашиот сон е поделен на циклуси и можеби сте се разбудиле за време на не-РЕМ фаза, која е состојба на многу длабок сон. Обидете се да се будите за време на РЕМ фазата, бидејќи тогаш вашето тело ќе биде подобро подготвено да се разбуди.
Лош квалитет на спиење: Не е важно колку долго спиете ако квалитетот на одмор е низок, само ќе се разбудите уморни. Несоодветен сон може да биде предизвикан од спиење со домашно милениче, пиење кофеин доцна во текот на денот, или со премногу бучава или светло во позадина.
Зашеметеност од лекови: Ефектите на одредени лекови кои предизвикуваат поспаност може да се задржат до следното утро. Проверете со вашиот лекар дали можете да ги прилагодите дозите или да ги промените лековите.
Медицински состојби: Одредени медицински состојби како апнеа при спиење може да го нарушат одморот во текот на ноќта. Нарушување како депресија, исто така, може да предизвика да се чувствувате без енергија.
Немате точен редослед за спиење: ако сте имале непредвидлив распоред за спиење, тогаш вашето тело најверојатно ќе треба време да се прилагоди на будењето во одредено време во текот на утрото. Обидете се да легнувате во исто време и сигурно ќе забележите разлика во тоа како се чувствувате наутро.
Крај
