Вистинската причина зошто треба да јадете цвекло
Ако сега не јадете цвекло, размислете да го воведете во вашата исхрана. Цвеклото е вкусно и може да биде подготвено на различни начини, а содржи неверојатно многу витамини, минерали и антиоксиданти.
Цвеклото содржи многу малку калории, само 35 калории на просечна големина на репка и има малку протеини или масти, што е и очекувано за зеленчук. Затоа пак, кога станува збор за содржината на витамини, минерали и фитонутриенти, цвеклото е вистинска ѕвезда. Тоа е богато со витамини А, Ц и Б6, фолати, лутеин, железо, калциум, калиум, бакар, фосфор и манган. Цвеклото исто така содржи бетаин, кој е поврзан со намален ризик од неколку хронични заболувања, особено оние кои влијаат на црниот дроб и срцето.
Не само што содржи малку калории, туку содржината на влакна ќе ви помогне да се чувствувате сити подолго, па затоа ќе јадете помалку во целост. Најбрзиот и најлесниот начин да се намалат калориите и телесната тежина, но сепак да се чувствувате сити, е да јадете повеќе храна со влакна.
Цвеклото може да биде одлична закуска пред тренинг и може да направи физичките вежби да ви бидат многу полесни. Консумирањето цвекло ќе даде подобрен одговор на вежбањето, а органите подобро ќе реагираат. Цвеклото го зголемува нивото на азотен оксид во телото, помагајќи му да го искористи кислородот поефикасно. Поради зголемената потрошувачка на кислород, субјектите кои внесуваат цвекло можат да вежбаат до 14% подолго од останатите.
Цвеклото не е одлично само за вежбање, исто така го поттикнува побрзото закрепнување на мускулите. Ако сакате побрзо да се опоравите по тежок тренинг, додадете цвекло во оброкот после тренингот. Тоа може да помогне во намалување на воспалението и намалување на севкупната мускулна болка, така што порано ќе можете да се вратите во салата.
Цвеклото е неверојатна хранлива бомба и ако не го јадете, навистина треба да му дадете шанса! Цвеклото е лесно за готвење, релативно евтино и брзо ги зголемуваат дневните потребни хранливи материи.
Крај
